Амбасадар Нямеччыны выкліканы ў польскае МЗС

Амбасадар Нямеччыны ў Польшчы Рольф Нікель выкліканы ў МЗС на сустрэчу зь міністрам замежных спраў Польшчы Вітальдам Вашчыкоўскім. Гэта зьвязана з антыпольскімі выказваньнямі нямецкіх палітыкаў.

Нямецкія палітыкі пачынаюць казаць пра эканамічныя санкцыі супраць Польшчы. Пра такую магчымасьць згадаў кіраўнік парлямэнцкай фракцыі кіруючай у Нямеччыне партыі CDU Фолькэр Каўдэр. У інтэрвію тыднёвіку „Der Spiegel” Каўдэр сказаў, што калі парушаюцца эўразьвязаўскія прынцыпы, дзяржавы ЭЗ павінны мець адвагу скарыстацца санкцыямі. Ён дадаў, што польскі ўрад павінен ведаць: у Эўропе нельга парушаць некаторыя элемэнтарныя каштоўнасьці. Каўдэр цешыцца, што Эўрапейская камісія намерана прыглядацца да сытуацыі ў Варшаве.

ПР/нг