У Польшчы ліквідуюцца небясьпечныя месцы на дарогах

Міністэрства інфраструктуры й будаўніцтва Польшчы абвясьціла аб праграме ліквідацыі небясьпечных месцаў на дарогах. Спачатку былі абраныя каля 450 месцаў. Агулам Галоўнае ўпраўленьне нацыянальных дарог і аўтастрад вызначыла для перабудовы каля 3 тысяч небясьпечных месцаў.

Яны будуць перабудаваныя такім чынам, каб абараніць пешаходаў і павысіць бясьпеку іншых удзельнікаў дарожнага руху. Перабудова працягнецца некалькі гадоў. Гаворка ідзе пра будаўніцтва тратуараў, але таксама й пра рэканструкцыю й будаўніцтва аўтобусных прыпынкаў.

Міністэрства інфраструктуры зазначае, што паводле дасьледаваньня найбольш частай прычынай ДТЗ на дарогах зьяўляецца дрэнны стан інфраструктуры.

У гэтым годзе на рамонт і рэканструкцыю дарог міністэрства хоча выдаткаваць больш за адзін мільярд сямсот мільёнаў злотых (гэта амаль 400 мільёнаў эўра).

яс