Польшча - ахвяра фальшывай тэрарыстычнай трывогі

Пасьля некалькіх выпадкаў з падкладаньнем бомбаў польская паліцыя пачала акцыю праверак некалькіх будынкаў, паведаміла Галоўная камэндатура паліцыі.

Акцыя пачалася пасьля таго, як шэраг дзяржаўных устаноў ды гандлёвых цэнтраў у Польшчы атрымалі ананімныя лісты па электроннай пошце з папярэджаньнем пра падкладзеныя бомбы. Паліцыя зладзіла праверку ў Кракаве, Варшаве, Вроцлаве, Катавіцэ. Выбуховых прыстасаваньняў не знойдзена.

Паліцыя заявіла, што вядзецца пошук аўтара лісту, дадзенай асобе пагражае 8 год турмы ды мільённыя штрафы. Паліцыя ўжо затрымала аўтараў фальшывых бомбавых папярэджаньняў, якія спынілі працу лётнішчаў у Варшаве ды Модліне прыканцы сакавіка.

PR/юл