Ва Ўроцлаў адбываецца сход апазыцыйнай «Грамадзянская плятформа»

У заходнепольскім горадзе Ўроцлаў адбываецца праграмная канфэрэнцыя апазыцыйнай цэнтрысцкай партыі «Грамадзянская плятформа».

Падчас выступленьня яе старшыня Гжэгаж Схэтына шмат увагі прысьвяціў пытаньню бясьпекі Польшчы. Паводле яго, адно НАТО – гэта мала для таго, каб Польшча адчувала сябе ў бясьпецы, патрэбна «шукаць свайго месца ў Эўразьвязе». Схэтына падкрэсьліў, што чым мацнейшы Эўразьвяз, тым слабейшы Пуцін.

Падчас выступленьня лідар «Грамадзянскай плятформы» скрытыкаваў урад і кіруючую партыю «Права й справядлівасьць» за стыль кіраваньня краінай.

Падчас парлямэнцкіх выбараў восеньню 2015 года партыя набрала 28,85% галасоў і была прымушаная перайсьці ў апазыцыю. Да гэтага яна восем гадоў кіравала краінай у кааліцыі з Польскай сялянскай партыяй.

вс