Лех Валэнса: Я не агент, а почырк ня мой

Лідар апазыцыйнага прафсаюзу «Салідарнасьць» з часоў Польскай Народнай Рэспублікі Лех Валэнса абвяргае абвінавачваньні, якія гучаць у яго адрас, што ён нібыта супрацоўнічаў з камуністычнай Службай бясьпекі.

Былы прэзыдэнт Польшчы на прэс-канфэрэнцыі аднёсься да экспэртызы почыркаў, праведзенай Інстытутам нацыянальнай памяці. Экспэртыза пацьвердзіла, што Валэнса пісаў даносы й атрымліваў за гэта грошы. Паводле экс-прэзыдэнта, уласнаручна ён не напісаў ні аднаго тэксту. Валэнса таксама паставіў пад сумнеў экспэртызу графолягаў. Ён выступіў зь ініцыятывай, каб яго почырк яшчэ раз зьверылі з почыркам на дакумэнтах Службы бясьпекі незалежныя графолягі.

Як паведамлялася, у мінулым годзе былі знойдзеныя дакумэнты, зь якіх вынікае, што Лех Валэнса быў агентам Службы бясьпекі. Ён супрацоўнічаў з камуністычным апаратам бясьпекі ў 1970-х гадах пад псэўданімам «Болек».

вс