Традыцыйнае беларускае Купальле ў польскай Белавежы

У Белавежы на ўсходзе Польшчы ў чарговы раз адбылося традыцыйнае беларускае Купальле. На сцэне выступілі музычныя калектывы з Польшчы ды Беларусі, былі таксама традыцыйныя абрады з пляценьнем вянкоў, танцамі і карагодамі.

Удзельнікі: Гэта Купальская ноч, падчас якой мы пускаем вянкі на ваду, ёсьць вясёлая гулянка. Маладыя незамужнія дзяўчыны пускаюць вянкі на ваду, каб варажыць, ці знойдуць мужа.

Мы кожны год прыяжджаем. Гучаць вельмі прыгожыя песьні, шмат калектываў, плятуць вянкі і пускаюць на ваду.

На Падляшшы цягам усяго ліпеня ў суботы ў многіх мясцовасьцях адбываюцца такія мерапрыемствы – мясцовыя Купальлі, якія зьмяшчаюць у сябе элемэнты традыцыйнага Купальля.

І ПР.ПР/нг