Новы шэф МЗС Польшчы агучыць прыярытэты сваёй паліткі
PR dla Zagranicy
Alaksandar Papko
15.01.2018 17:21
Пакуль вядомы толькі геаграфія яго бліжэйшых паездак: Сафія, Бэрлін, Нью-Ёрк, Брусэль.
Яцэк Чапутовіч падчас свайго першага замежнага візыту ў Баўгарыю. PAP/EPA/VASSIL DONEV
У аўторак новапрызначаны міністар замежных справаў Польшчы Яцэк Чапутовіч (Jacek Czaputowicz) прадставіць ураду пляны сваёй дзейнасьці на 2018 год. Пакуль міністар трымае прыярытэты зьнешняй палітыкі ў таямніцы.
Журналістам ён агучыў толькі плян замежных паездак на бліжэйшы час. Першы візыт Яцэк Чапутовіч робіць у Баўгарыю, якая з 1 студзеня старшынствуе ў радзе Эўразьвяза. Таксама на гэтым тыдні міністар замежных справаў Польшчы намераны наведаць Бэрлін, каб сустрэцца са сваім нямецкім калегам Зігмарам Габрыэлем.
Затым разам з прэзыдэнтам Анджэем Дудам Яцэк Чапутовіч наведае паседжаньне Рады Бясьпекі ААН у Нью-Ёрку, дзе прыме ўдзел у перамовах наконт абмежаваньня распаўсюджваньня ядзернай зброі ды сытуацыі ў Аўганістане.
А ў панядзелак 22 студзеня міністар замежных справаў Польшчы намераны прыняць удзел у паседжаньні Рады Эўразьвязу ў Брусэлі
PAP/ап