Польшча распрацоўвае сыстэму кіраваньня дронамі

Польскае агенцтва паветранага руху распрацоўвае сыстэму кіраваньня бесьпілётнымі лятальнымі апаратамі – дронамі.

Старшыня агенцтва Януш Янішэўскі ў кулюарах XІ Эўрапейскага эканамічнага кангрэсу ў горадзе Катавіцэ сказаў, што гэта неабходна, паколькі дроны сёньня «становяцца рэальнасьцю і надзённасьцю кожнай эўрапейскай паветранай прасторы».

Янішэўскі спадзяецца, што Польскае агенцтва паветранага руху ў недалёкай будучыні стане эўрапейскім лідэрам у гэтай галіне і атрымае фінансавыя сродкі Эўразьвязу на разьвіцьцё сыстэмы кіраваньня бесьпілётнымі лятальнымі апаратамі.

яс