Палякі камэнтуюць увядзеньне аплаты за плястыкавыя бутэлькі

Дэпазыт складзе 10 грошай за кожную бутэльку ды ўпакоўку.

Большасьць палякаў падтрымліваюць дадзеную ідэю, вынікае з сацыялягічнага апытаньня, праведзенага SW Research на замову штодзёнкі «Rzeczpospolita».

Амаль дзьве траціны (65%) палякаў адказалі, што яны падтрымліваюць увядзеньне дэпазыту на плястыкавыя бутэлькі.

Амаль адна пятая рэспандэнтаў (22%) выступаюць супраць дадзенай прапановы.

13% апытаных ня маюць меркаваньня ў гэтай справе.

Часьцей за ўсё ўвядзеньне дэпазыту падтрымліваюць жанчыны (67%), людзі з пачатковай адукацыяй/сярэдняй школы (74 %) і жыхары гарадоў з насельніцтвам да 20 тысяч чалавек (69%).

Таксама колькасьць прыхільнікаў дадзенай прапановы павялічваецца разам з узростам. Сярод людзей ва ўзросьце да 24 год «за» выступаюць 54% апытаных, тады як сярод асобаў ва ўзросьце больш за 50 год колькасьць прыхільнікаў дэпазыту складае 72%.

ПР/юл