Варшава: адчынена беларускае інфармбюро

Сёньня ў Варшаве афіцыйна распачало працу Інфармацыйнае бюро «Салідарнасьць з дэмакратычнай Беларусьсю». Мэта бюро – інфармаваньне польскіх і замежных СМІ, палітыкаў ды грамадзкую думку аб падзеях у Беларусі. Паводле арганізатараў установы, офіс мае быць свайго роду памостам паміж прадстаўнікамі беларускага дэмакратычнага грамадзтва й міжнароднай супольнасьцю. Паводле супрацоўніцы ўстановы Юліі Рымашэўскай, бюро будзе пастаянна інфармаваць пра падзеі ў Беларусі.

Ю.Рымашэўская: Мэтай бюро зьяўляецца тое, каб інфармацыя пра тое, што адбываецца ў Беларусі, была ня раз на пяць гадоў, калі адбываюцца выбары, а заўсёды, прычым цікавай журналістам эўрапейскіх і замежных СМІ.

У Інфармацыйным бюро «Салідарнасьць з дэмакратычнай Беларусьсю» працуюць беларускія экспэрты, аналітыкі ды журналісты. Ініцыятыва па стварэньні офіса зьявілася сёлета ў студзені, пасьля таго, як летась у сьнежні ў Беларусі былі сфальсіфікаваныя прэзыдэнцкія выбары, а многія апанэнты ўлады трапілі за краты. Пастаянны офіс бюро атрымала некалькі тыдняў таму ад улад польскай сталіцы.

вс