ВНУ пачалі новы навучальны год

Прэзыдэнт Браніслаў Камароўскі задаволены зьменамі, унесенымі ў закон аб вышэйшай адукацыі. Паводле кіраўніка польскай дзяржавы, папраўкі даюць шанец польскім ВНУ канкураваць у галіне адукацыі ў сьвеце.

Сёньня Браніслаў Камароўскі ўдзельнічаў ва ўрачыстым распачацьці 648-га навучальнага году ў найстарэйшай польскай вучэльні – Ягелёнскім унівэрсытэце ў Кракаве.

У сваёй прамове прэзыдэнт падкрэсьліваў, што цяпер самае важнае - разумна ажыцьцявіць новыя адукацыйныя правілы.

Браніслаў Камароўскі: Гэта важная комплексная рэформа вышэйшай адукацыі. Можна сказаць, першая ад часу ўступнай рэформы прэм’ер-міністра Тадэвуша Мазавецкага, то бок ад 1999 году. Цяпер перад намі заданьне разумнага й адважнага ажыцьцяўленьня згаданага закону. Адвага й розум неабходныя асабліва на ўзроўні вучэльняў, якія атрымаюць намнога больш прывілеяў.

Перад урачыстым пачатакам навучальнага году адбылася сьвятая імша ў Калегіяце сьвятой Анны, якую служыў кардынал Станіслаў Дзівіш, а таксама ўрачыстае шэсьце прафэсараў.

У той жа час перад будынкам кракаўскага ўнівэрсытэту пратэставалі дзеячы Агульнапольсяга аддзелу навукі прафсаюзу „Салідарнасьць”, якія выступаюць супраць рэформы вышэйшай адукацыі ды дамагаюцца павышэньня заробкаў.

аз