Польскае МЗС выкліча Гайсёнка

Беларускі лідар на прэс-канфэрэнцыі для расейскіх журналістаў сказаў, што палякі мараць аб тым, каб іх мяжа праходзіла пад Менскам.

Міністар Радаслаў Сікорскі заявіў, што Варшава рашуча пратэстуе супраць такіх выказваньняў Лукашэнкі.

Сікорскі назваў словы беларускага прэзыдэнта „недарэчнымі”. Міністар зазначыў, што ў дачыненьні да Лукашэнкі трэба весьці адпаведную палітыку: узнагароджваць за добрае ды караць, калі ён парушае эўрапейскія стандарты.

Меркаваньнем Сікорскага, яшчэ ня позна, каб Аляксандар Лукашэнка пайшоў шляхам генэрала Войцеха Ярузэльскага, які жыве ў Польшчы й якога нядаўна ў шпіталі наведаў палітычны супернік Лех Валэнса.

яс