Фэстываль званарства ў Супрасьлі

Мерапрыемства пачалося сёньня ў Супрасьлі пад Беластокам і працягнецца да нядзелі.

Галоўным арганізатарам фэстывалю зьяўляецца Музэй ікон у Супрасьлі й Падляскі музэй у Беластоку.

Музэй ікон знаходзіцца ў будынку мужчынскага праваслаўнага манастыра Дабравешчаньня Прасьвятой Багародзіцы ў Супрасьлі. На званіцы манастыра званары дэманструюць свае ўменьні.

Фэстываль праводзіцца пад лёзунгам "Абвяшчае, узвышае, заклікае". Яго асноўнай мэтай зьяўляецца захаваньне ўнікальнага мастацтва царкоўнага званарства.

Сёлета ўдзел у фэстывалі заявіла рэкордная колькасьць удзельнікаў - 29 чалавек. Старэйшай удзельніцы 65 гадоў.

Удзельнікамі ў асноўным зьяўляюцца людзі, якія кожны дзень звоняць у сваіх прыходах. Акрамя таго з Расеі й Беларусі прыехалі навучэнцы спэцыяльных школ званоў. Гэта ў асноўным маладыя званары ва ўзросьце 20-35 гадоў. У гэтым годзе бальшыню ўдзельнікаў складаюць жанчыны.

Мерапрыемства з кожным годам становіцца ўсё больш вядомым за мяжой.

Яс