Паўстанцы забілі параненага Кадафі

Ёсьць доказы злачынства, зьдзейсьненага ў мінулым годзе ў Лібіі ў дачыненьні да супрацоўнікаў Муамара Кадафі, - заяўляюць прадстаўнікі міжнародай арганізацыі па правах чалавека „Human Rights Watch”.

Арганізацыя агучыла даклад пра апошнія гадзіны жыцьця лібійскага дыктатара Муамара Кадафі, які быў забіты 20 кастрычніка мінулага году. Дакумэнт даказвае, што людзі, якія ехалі ў калёне Кадафі, былі спыненыя паўстанцамі, раззброеныя, зьбітыя, а затым забітыя. Загінулі, як мінімум, 66 чалавек, у тым ліку адзін з сыноў Кадафі.

Даклад „Human Rights Watch” падвяргае заявы лібійскіх уладаў, паводле якіх Муамар Кадафі загінуў у перастрэлцы паміж аховай канвою і паўстанцамі. На відэазапісе, які атрымалі аўтары дакладу, бачна, што паранены Кадафі быў зьбіты паўстанцамі і ўдараны штыком у сьпіну.

„Human Rights Watch” заклікае лібійскія ўлады пачаць расьсьледаваньне гэтай падзеі.

аз