У ЭЗ хочуць ўзнагародзіць Сноўдэна прэміяй Сахарава

Група аб'яднаных левых Эўрапарламэнта плянуе вылучыць кандыдатуру Эдварда Сноўдэна на атрыманьне прэміі імя Сахарава "За свабоду думкі" за 2013.

"З людзьмі, якія раскрываюць важную сакрэтную інфармацыю, нельга паводзіць сябе як з злачынцамі, яны патрабуюць нашай абароны", - падкрэсьлілі ў прэс-службе групы.

Афіцыйная намінацыя Сноўдэна на прэмію Сахарава адбудзецца сёньня ў Страсбургу.

Прэміяй Сахарава ўзнагароджваюцца асобы й арганізацыі, якія ўнесьлі асаблівы ўклад у абарону правоў чалавека. Пераможца атрымлівае чэк на 50 тысяч эўра.

дг