Папа Францішак просіць дапамагчы Сырыі і Філіпінам

Папа рымскі Францішак падчас генэральнай аўдыенцыі ў Ватыкане заклікаў вернікаў маліцца за мір у Сырыі і аказаць падтрымку насельніцтву Філіпінаў.
Падчас сустрэчы з паломнікамі пантыфік згадаў дзьве нядаўнія падзеі.

- Я зь вялікім смуткам даведаўся, што два дні таму ў Дамаску снарадамі былі забітыя некалькі дзяцей, якія вярталіся са школы, і кіроўца аўтобусу, а іншыя дзеці атрымалі раненьні. Трэба шчыра маліцца, каб такія трагедыі ніколі больш не паўтараліся.

Папа Францішак нагадаў, што гэтымі днямі вернікі павінны маліцца і аб'яднаць сілы для таго, каб дапамагчы сваім братам і сёстрам на Філіпінах, якія пацярпелі ад тайфуна.

У выніку разбуральнага тайфуну «Хаян» на Філіпінах маглі загінуць да дзьвюх з паловай тысяч чалавек.

эб