Эколягі з „Greenpeace” выходзяць на волю

Суд у Санкт-Пецярбургу вырашыў адпусьціць пад залог 19 з 30 затрыманых актывістаў экалягічнай арганізацыі „Greenpeace”.

Залог за кожнага актывіста складае 2 мільёны расейскіх рублёў.

Чальцоў экіпажу судна „Arctic Sunrise”, які належыць міжнароднай экалягічнай арганізацыі, вінавацяць у хуліганстве.

30 актывістаў„ Greenpeace” былі затрыманыя расейскімі памежнікамі 19 верасьня ў Баранцавым моры падчас акцыі пратэсту супраць здабычы нафты на буравой плятформе канцэрну „Газпром”.

Эколягаў спачатку даставілі ў Мурманск і прысудзілі да двух месяцаў арышту. Пазьней іх перавялі ў Санкт-Пецярбург, дзе суды сталі адпускаць іх пад залог.

На волі апынуліся ўжо тры асобы. Неўзабаве сьледчы ізалятар павінен пакінуць таксама польскі актывіст Томаш Дземяньчук.

аз