„Greenpeace” абвінавачвае „Procter & Gamble”

Міжнародная экалягічная арганізацыя „Greenpeace” абвінавачвае канцэрн „Procter & Gamble” у тым, што фірма прычыняецца да зьнішчэньня трапічных лясоў у Інданэзіі. Гэта, у сваю чаргу, пагражае тамтэйшай дзікай фаўне.

Паводле дакладу, апублікаванага міжнароднай экалягічнай арганізацыяй, амэрыканскі канцэрн купляе пальмавы алей у інданэзійскіх вытворцаў, якія падазраюцца ў нішчэньні трапічных лясоў. Пальмавы алей выкарыстоўваецца канцэрнам „Procter & Gamble” для вытворчасьці касмэтыкі.

Актывіст „Greenpeace” патрабуюць, каб канцэрн высьвятліў гэтае пытаньне й гарантаваў кліентам, што яго прадукцыя бясьпечная для навакольнага асяродзьдзя.

Нагадаем, раней арганізацыя „Greenpeace” абвінавачвала ў нішчэньні трапічных лясоў такія сусьветныя кампаніі, як „Unilever”, „Nestle” ці „L'Oreal”.

аз