Газа: Баявікі пакаралі сьмерцю амаль 20 палестынцаў

Баявікі кіруючага ў сэктары Газа руху Хамас пакаралі сьмерцю 18 палестынцаў, абвінавачаных у супрацоўніцтве з ізраільскімі спэцслужбамі.

Як паведамляе радыёстанцыя "Аль-Кудс" пакараньне адбылася пасьля таго, як на гэтым тыдні ізраільскія войскі "кропкавым" ударам з паветра ліквідавалі трох прадстаўнікоў вышэйшага каманднага складу Хамас і арганізавалі замах на лідара баявога крыла руху Мухамэда Дэйфа.

Прысуд быў прыведзены ў выкананьне ў два этапы. Раніцай у парку ля унівэрсітэта "Аль-Азхар" пакаралі сьмерцю 11 чалавек. Яшчэ семярых публічна расстралялі пасьля пятнічнай малітвы ў мячэці "аль-Амар" у цэнтры горада Газа.

дг