Ісламская дзяржава без кіраўніцтва

Пэнтагон заявіў, што за апошнія дні авіяцыя саюзьнікаў правяла некалькі пасьпяховых налётаў.

У выніку авіяўдараў загінулі камандуючы вайсковымі апэрацыямі ІД у Іраку Абд аль-Басіт, галоўны намесьнік кіраўніка ісламістаў Хаджы Мутаз, а таксама камандзір сярэдняга ўзроўню Радвін Таліб. Ён камандаваў джыхадыстамі ў Масуле на поўначы Іраку.

Амэрыканскія вайсковыя аналітыкі перакананыя, што ліквідацыя гэтых асобаў часова запаволіць дзейнасьць арганізацыі.

Ісламская дзяржава паказала, што ў стане знаходзіць замену загінуўшым лідарам, таму сьмерць высокапастаўленых камандзіраў не азначае сьмерць арганізацыі.

Паветраная апэрацыя супраць Ісламскай дзяржавы пачалася 8-га жніўня. У апэрацыі бяруць удзел самалёты ЗША ды кааліцыі заходніх дзяржаў. За гэты час зьдзейсьнена больш за 600 налётаў.

ПР/юл