Logo Polskiego Radia
Print

Эўропа павялічыць пастаўкі газу ва Ўкраіну

PR dla Zagranicy
Anna Zadrożna 24.01.2015 11:30
Гаворка ідзе пра 40 млн кубамэтраў газу ў дзень замест цяперашніх 31,5 млн.
facebook

Украіна зможа імпартаваць з Эўразьвязу да 40 млн кубамэтраў газу ў дзень замест цяперашніх 31,5 млн, гаворыцца ў паведамленьні Эўракамісіі.

У „Нафтагазе” мяркуюць, што пастаўкі эўрапейскага газу ўжо ў гэтым годзе змогуць забясьпечыць 60% патрэб краіны ў імпарце "блакітнага паліва".

Як паведаміў у чацьвер кіраўнік „Нафтагаза” Андрэй Колабаў у інтэрвію агенцтву Reuters, ужо ў гэтым годзе Ўкраіна зможа давесьці тэхнічную магчымасьць прапампоўкі газу з Эўропы да 90% патрэбы краіны.

Паводле яго, за некалькі гадоў Кіеў можа скараціць долю закупкі раейскага прыроднага газу, і ён будзе складаць толькі да адной траціны ўсяго ўкраінскага газавага імпарту.

„Эўрапейскі рынак вельмі моцна зьмяніўся. Спробы манапалізаваць рынкі больш не працуюць”, - сказаў ён.

Прэм'ер-міністр Украіны Арсеній Яцанюк заявіў, што ў бліжэйшы час плянуецца дасягнуць пагадненьня са Славаччынай па транспарціроўцы 100 млрд кубамэтраў газу ў год.

У 2014 годзе Ўкраіна атрымала з краін ЭЗ каля 5 млрд кубамэтраў газу.

Але экспэрты галіны па-рознаму ацэньваюць такую магчымасьць.

nn.by/аз

Print
Copyright © Polskie Radio S.A Пра нас Кантакт