Крым адрэзаны ад электраэнэргіі

У ноч на нядзелю паўвостраў Крым, анэксаваны Расеяй у Ўкраіны, практычна цалкам застаўся без падачы электраэнэргіі.

Пераважная частка электраэнэргіі паступае ў Крым з тэрыторыі Ўкраіны. Адключэньне адбылося ў выніку падрыву апоры лініяў электраперадачы, якія былі пашкоджаныя выбухамі раней. Як вядома, выбух на апоры ЛЭП адбыўся на пачатку кастрычніка. Тады падача электрычнасьці ў Крым не спынялася.

Ліквідацыя пашкоджаньняў на ўкраінскай лініі электраперадачы, якая перадае энэргію ў Крым, зойме да двух сутак.

Раней, 21 лістапада паміж удзельнікамі блякады Крыму, якія перашкаджалі пачатку рамонтных прац, і супрацоўнікамі МУС Украіны адбыліся сутычкі. Прэзыдэнт Украіны ўвечары ў суботу на сустрэчы з лідарамі крымскіх татараў паабяцаў даручыць ураду прыпыніць гандаль з Крымам.

Радыё Свабода/нг