Паўмільёна лямпачак на сьвяточнай ялінцы

Аўстралійскі бізнэсмэн пабіў рэкорд Гінэса па колькасьці лямпачак на сьвяточнай ялінцы. На навагодняе дрэва яму ўдалося павесіць звыш паўмільёна лямпачак. Ялінка, за падключэньнем якой у Канбэры назірала некалькі сотняў чалавек, робіць уражаньне: на дваццацімэтровым дрэве вялізная колькасьць разнаколерных лямпачак і сьветлавых дыёдаў, на верхавіне гарыць вялікая зорка. Прадстаўніца Кнігі рэкордаў Гінэса афіцыйна пацьвердзіла, што ўдалося пабіць рэкорд колькасьці лямпачак: 518 838.

Бізнэсмэн Дэвід Рычардс сказаў пасьля ўстанаўленьня рэкорду, што ён намераны выкарыстаць папулярнасьць, каб сабраць грошы для арганізацыі SIDS and Kids, якая змагаецца з сындромам раптоўнай сьмерці немаўлят.

ПР/нг