Сэрыя бомбавых трывог у Чэхіі

Чэская паліцыя эвакуіравала людзей з галоўных вакзалаў у Празе й Плзне, а таксама ў некалькіх гарадзкіх установах у Пардубіцы. Службы атрымалі паведамленьні, што ва ўсіх гэтых месцах падкладзеныя бомбы.

Ананімовыя тэлефонныя званкі аб тым, што ў некалькіх пардубіцкіх офісах знаходзяцца выбухоўкі, паліцыя атрымала каля 9 гадзіны раніцы. Ананімная асоба толькі сказала, што бомба знаходзіцца ў будынку гарадзкіх уладаў. Паколькі гарадзкая ратуш месьціцца ў некалькіх будынках, функцыянэры распачалі эвакуацыю ўсіх памяшканьняў. Чыноўнікаў адправілі да дому й забаранілі вяртацца на працу да канца дня.

Прыблізна ў гэтым жа самым часе зьявілася ананімная інфармацыя аб выбухоўках, якія нібыта знаходзіцца на чыгуначных вакзалах у Пардубіцы, Плзэню і ў Празе. Бомбы нібыта падкладзеныя таксама ў праскай ратушы.

Паліцыя падазрае, што аўтарам званкоў зьяўляецца адна асоба. Функцыянэры працуюць у больш за дзесяці месцах на тэрыторыі цэлай краіны.

ав