Швайцарыя адклікае заяўку на ўступленьне ў ЭЗ

За такое рашэньне прагаласавала 27 дэпутатаў Савета кантонаў. Супраць выступіла 13 і двое устрымалася ад галасаваньня.

У сакавіку дадзенае рашэньне прыняла Ніжняя палата парлямэнта. Тады за ануляваньне заяўкі прагаласавала 126 дэпутатаў і 46 супраць.

Швайцарыя падала заяўку на ўступленьне ў 1992 годзе. У сьнежні 2015 года быў праведзены рэфэрэндум па гэтым пытаньні. Большасьць швайцарцаў прагаласавала супраць ўступленьня ў ЭЗ. Таму цяперашняе рашэньне парлямэнта носіць фармальны характар.

Хоць Швайцарыя й не ўваходзіць у ЭЗ, але карыстаецца перавагамі свабоднага гандлю з блёкам і свабодным перамяшчэньнем сваіх грамадзян у рамках Шэнгенскай зоны.

дг