У Алепа зноў пачаліся жорсткія баі

ААН зьвярнулася да ўдзельнікаў баёў за Алепа з просьбай спыніць агонь хаця б на два дні. Без гэтага немагчыма даставіць гуманітарную дапамогу жыхарам гораду. Усходняя частка Алепа, занятая на пачатку жніўня атрадамі антыасадаўскай апазыцыі, зноў стала арэнай жорсткіх баёў. Войскі Башара Аль-Асада перайшлі да контрнаступу. Мірныя жыхары апынуліся ў пастцы. У іх няма вады, ежы, электрычнасьці. Адсутнічае ўсялякая магчымасьць эвакуявацца з ахопленага баямі гораду. Сымбалем пакутаў мірнага насельніцтва стаў здымак малога Амрана – 5-гадовага хлопчыка, параненага і абсыпанага пылам падчас бамбардаваньня Алепа.

Расейскія вайскоўцы, якія падтрымліваюць Башара Асада, заявілі, што гатовыя да перамоваў па часовым спыненьні агню. Невядома, ці згодная на прыпыненьне агню сірыйская апазыцыя. На 19 жніўня прыпадае сусьветны дзень гуманітарнай дапамогі, устаноўлены ААН.

IAR/ап