Боб Дылан даслаў ліст, які будзе зачытаны падчас Нобэлеўскага банкету

Ляўрэат Нобэлеўскай прэміі па літаратуры Боб Дылан даслаў прамову, якая будзе зачытана падчас Нобэлеўскага банкету ў Стакгольме ў гэтую суботу – паведаміў Нобэлеўскі фонд.

10 сьнежня падчас цырымоніі ўручэньня Нобэлеўскай прэміі вядомая амэрыканская сьпявачка Паці Сміт выканае адну з песень Дылана – «A Hard Rain’s A-Gonna Fall».

16 лістапада Боб Дылан паведаміў лістом, што ён ня будзе прысутнічаць на Нобэлеўскім банкеце з-за іншых абавязацельстваў. Раней, на працягу доўгага часу ён не адгукаўся на рашэньне Швэдзкай акадэміі аб прызнаньні яму прэміі. Адзін з членаў Акадэміі пракамэнтаваў, што паводзіны Боба Дылана зьяўляецца «грубымі й ганарлівымі».

Боб Дылан зьяўляецца першым музыкам, які быў адзначаны Нобэлеўскай прэміяй па літаратуры. Швэдзкая акадэмія 13 кастрычніка дала яму гэтую ўзнагароду «за стварэньне новага калярыту ў традыцыі амэрыканскай песьні».

яс