Прэзыдэнта ФРГ заклікаюць узнагародзіць паляка, загінулага ў тэракце ў Бэрліне

На партале change.org апублікаваны грамадзкі зварот да прэзыдэнта Нямеччыны Ёахіма Гаўка з заклікам узнагародзіць Лукаша Урбана – польскага кіроўцу трэйлера, які загінуў у тэракце ў Бэрліне. Ініцыятары звароту зазначаюць, што 37-гадовы паляк страціў жыцьцё пры спробе затрымаць тэрарыста. Паводле іх меркаваньня, за свой геройскі ўчынак ён павінен быць узнагароджаны ордэнам «За заслугі перад Фэдэратыўнай Рэспублікай Германія» – адзінай фэдэральнай узнагародай Нямеччыны.

Як паведамлялася, Лукаш Урбан загінуў у кабіне свайго трэйлера падчас рэйсу. Скрадзеную фуру тэрарыст выкарыстаў для тэракта ў нямецкай сталіцы.
Сhange.org – гэта міжнародная плятформа, на якой публікуюцца звароты з цэлага сьвету. У 2015 годзе свае подпісы пад зваротамі паставілі 100 млн карыстальнікаў.

вс