Афіцыйны часопіс ЭЗ апублікаваў рашэньне аб адмене віз для ўкраінцаў
PR dla Zagranicy
Valery Sauko
22.05.2017 20:49
Ужо ў ноч на 11 чэрвеня грамадзяне Ўкраіны атрымаюць права на бязьвізавы ўезд у ЭЗ.
www.pixabay.com
Афіцыйны часопіс Эўрапейскага Зьвязу апублікаваў рашэньне аб адмене візавых патрабаваньняў для грамадзян Украіны.
Зьмены ў пералік краін, грамадзяне якіх маюць права бязьвізавага ўезду ў ЭЗ на пэрыяд да 90 дзён, былі апублікаваныя ў спэцыяльным выпуску Афіцыйнага часопіса ЭЗ.
Згодна з апублікаваным рашэньнем бязьвізавыя паездкі грамадзян Украіны ў ЭЗ пачнуцца праз 20 дзён пасьля афіцыйнай публікацыі.
Гэта азначае, што ўжо ў ноч на 11 чэрвеня грамадзяне Ўкраіны пры наяўнасьці біямэтрычнага пашпарта атрымаюць права на бязьвізавы ўезд у краіны ЭЗ і краіны Шэнгенскай зоны, якія не зьяўляюцца членамі Эўразьвязу.
Расейская служба Польскага радыё/вс