Летува можа абмежаваць вяшчаньне двух расейскіх тэлеканалаў

Летувіская камісія па радыё і ТБ разглядае магчымасьць абмежаваньня вяшчаньня двух расейскіх тэлеканалаў, трансляваных у Летуве. Камісія абвінавачвае тэлеканалы «РТР Планета» і «ТВЦ» у распальваньні нянавісьці.

Гаворка ідзе пра дзьве перадачы, у якіх выступіў Уладзімір Жырыноўскі. У адной з праграм лідар ЛДПР заявіў: «Трэба вылучыць ультыматум прыбалтыйскім дзяржавам, каб яны адвялі ўсе войскі NATO на 300 кілямэтраў ад межаў Расеі, а не адвядзе – мы прымем пэўныя меры». У іншай перадачы Жырыноўскі казаў аб акупацыі Ўкраіны.

Працэдура абмежаваньня вяшчаньня можа працягнуцца некалькі тыдняў. Летувіская камісія сьцьвярджае, што яе высновы аб распальваньні вайны і нянавісьці ў гэтых праграмах пацьвердзіў Дэпартамэнт стратэгічнай камунікацыі і сувязяў з грамадзкасьцю Мінабароны.

ав