Расейскія дыпляматы пакідаюць Сан-Францыска

Клубы густога чорнага дыму выляталі ў пятніцу з коміну расейскага консульства ў Сан-Францыска. Пажарныя пацьвердзілі, што супрацоўнікі расейскага консульства «спальвалі розныя прадметы» перад тым, як пакінуць будынак дыпляматычнага прадстаўніцтва. Дыпляматычная вайна паміж Расеяй і ЗША набірае абароты.

Пажарныя службы Сан-Францыска не кажуць, што менавіта спальвалі супрацоўнікі расейскага консульства. Такім чынам яны маглі зьнішчаць дакумэнты – мяркуюць амэрыканскія камэнтатары.

У ліпені гэтага году расейскія ўлады «настойліва рэкамэндавалі» амэрыканскім дыпляматычным службам скараціць колькасьць пэрсаналу ў Расеі з 1200 да 450 асобаў. Такім чынам Крэмль адрэагаваў на пашырэньне Амэрыкай санкцыяў супраць расейскага кіраўніцтва.

У выніку скарачэньня пэрсаналу ЗША перасталі выдаваць свае візы ў консульствах у Пецярбургу, Ўладзівастоку й Екацерынбургу. У чацьвер Дзяржаўны дэпартамэнт ЗША загадаў Расеі зачыніць консульства ў Сан-Францыска й два бюро ў Вашынгтоне ды Нью-Ёрку.

IAR/ап