У Вэнэсуэле павялічваюць заробкі ў 60 разоў

Афіцыйны Каракас спадзяецца, што пасьля ўводу ў абарачэньне адзінка крыптавалюты Petro будзе каштаваць 60 даляраў або 3,6 тысячы дэнамінаваных сувэрэнных балівараў.

Мінімальны заробак пры гэтым складзе палову крыптаманэты, то бок 1,8 тысячу балівараў, тады як у цяперашні час яна складае тры мільёны балівараў (30 сувэрэнных балівараў пасьля дэнамінацыі). У выніку рэформы вэнэсуэльская нацыянальная валюта пазбавіцца пяці нулёў.

Улады Вэнэсуэлы вырашылі правесьці грашовую рэформу з-за цяжкага эканамічнага крызісу і гіпэрінфляцыі. З-за гэтага неаднаразова праходзілі вулічныя пратэсты з патрабаваньнем адстаўкі прэзыдэнта Нікаласа Мадуры, аднак у траўні яго пераабралі.

Мадура сьцьвярджае, што названыя меры дапамогуць «радыкальна стабілізаваць і зьмяніць грашова-крэдытнае і фінансавае жыцьцё дзяржавы», які пакутуе ад гіпэрінфляцыі.

ПР/юл