Памёр сьпявак і палітык Ёсіф Кабзон

Як паведамляюць расейскія мэдыі, пасьля анкалягічнай хваробы ў 80-гадовым узросьце памёр сьпявак, грамадзкі і палітычны дзеяч Ёсіф Кабзон.

Кабзон вядомы як выканаўца патрыятычных савецкіх і расейскіх песень, зь якімі ён быў частым госьцем Менска, віцебскага «Славянскага базару», магілёўскага «Залатога шлягеру».

Апошнія гады ён быў неўязным ў ЗША праз падазраньні на сувязь з расейскай мафіяй, а таксама ва Ўкраіну — за тое, што падтрымліваў расейскую анэксію Крыму і разьвязваньне Крамлём вайны на Данбасе.

svaboda.org/яс