Amnesty International прызнала Аляксея Навальнага вязьнем сумленьня
PR dla Zagranicy
Alena Vialichka
25.09.2018 15:59
Міжнародная праваабарончая арганізацыя патрабуе тэрміновага вызваленьня расейскага апазыцыянэра.
PAP/EPA/YURI KOCHETKOV
Amnesty International прызнала Аляксея Навальнага вязьнем сумленьня. Міжнародная праваабарончая арганізацыя патрабуе тэрміновага вызваленьня расейскага апазыцыянэра.
Учора расейскага палітыка выпусьцілі з арышту пасьля 30 дзён пазбаўленьня волі і ў гэты ж самы дзень яго прыгаварылі на чарговыя 20 дзён арышту. Гэта ўжо дзясяты адміністрацыйны арышт Навальнага, які агулам у гэтым годзе адсядзеў 173 дні.
Amnesty International зьвяртае ўвагу, што прозьвішча Навальнага здаўна атаесамляецца ў сьвеце з мірнымі дэманстрацыямі расейцаў. «Тысячы людзей у цэлай Расеі адказваюць на заклікі Навальнага, каб пратэставаць супраць парушэньня грамадзянскіх свабод, карупцыі і павышэньня пэнсійнага ўзросту, за што іх перасьледуюць», – заявіла кіраўнічка маскоўскага бюро Amnesty International Натальля Зьвягіна.
Арганізацыя патрабуе вызваленьня палітыка і спыненьня рэпрэсій у дачыненьні да яго прыхільнікаў. У сваю чаргу незалежныя камэнтатары мяркуюць, што Крэмль помсьціць лідару апазыцыі за апошнія выбарчыя паразы. Паводле іх, цяперашняя расейская ўлада ставіцца да Навальнага як да «прычыны ўсіх праблем».
Учора расейскага палітыка выпусьцілі з арышту пасьля 30 дзён пазбаўленьня волі і ў гэты ж самы дзень яго прыгаварылі на чарговыя 20 дзён арышту. Гэта ўжо дзясяты адміністрацыйны арышт Навальнага, які агулам у гэтым годзе адсядзеў 173 дні.
Amnesty International зьвяртае ўвагу, што прозьвішча Навальнага здаўна атаесамляецца ў сьвеце з мірнымі дэманстрацыямі расейцаў. «Тысячы людзей у цэлай Расеі адказваюць на заклікі Навальнага, каб пратэставаць супраць парушэньня грамадзянскіх свабод, карупцыі і павышэньня пэнсійнага ўзросту, за што іх перасьледуюць», – заявіла кіраўнічка маскоўскага бюро Amnesty International Натальля Зьвягіна.
Арганізацыя патрабуе вызваленьня палітыка і спыненьня рэпрэсій у дачыненьні да яго прыхільнікаў. У сваю чаргу незалежныя камэнтатары мяркуюць, што Крэмль помсьціць лідару апазыцыі за апошнія выбарчыя паразы. Паводле іх, цяперашняя расейская ўлада ставіцца да Навальнага як да «прычыны ўсіх праблем».
ав