Кароль Малайзіі Мухамад V адрокся ад трону

Вярхоўны правіцель (кароль) Малайзіі Мухамад V адрокся ад трону. Аб гэтым паведамляецца ў распаўсюджанай у нядзелю заяве каралеўскага палаца, інфармуе агенцтва ТАСС.

Прычыны яго адрачэньня не называюцца. Ён быў абраны каралём у красавіку 2016 года на пяць гадоў падчас сакрэтнага галасаваньня дзевяцьцю членамі Рады кіраўнікоў (спадчынных султанаў).

Мухамад V, султан штату Келантан, атрымаў дыпляматычную адукацыю ў Вялікабрытаніі.

У сучаснай Малайзіі, якая стала канстытуцыйнай манархіяй у 1957 годзе, кароль выконвае цырыманіяльныя функцыі й зьяўляецца вярхоўным галоўнакамандуючым узброенымі сіламі. Для прыняцьця законаў або прызначэньня любога міністра патрабуецца яго згода, якую манарх дае «паводле рады парлямэнта і ўрада».

вс