Чацьвёра амэрыканскіх жаўнераў загінулі ў Сірыі

Чатыры амэрыканскія салдаты былі забітыя, а трое параненыя ў выніку выбуху ў сераду на поўначы Сірыі ў горадзе Манбідж – паведамілі ўлады ЗША.

Раней, зьвязаны зь Ісламскай Дзяржавай інтэрнэт-партал Amak паведаміў, што тэрарыст-сьмяротнік, зь прывязанай да цела выбухоўкай, напаў на патруль міжнародных кааліцыйных сіл пад кіраўніцтвам вайскоўцаў ЗША. У выніку нападу загінулі чатыры амэрыканскія вайскоўцы.

Яшчэ ў 2016 годзе, курдзкая самаабарона пры падтрымцы авіяцыі ЗША, вызваліла ад Ісламскай Дзяржавы горад Манбідж. Аднак тэрыторыі побач з горадам кантралююцца войскамі прэзыдэнта Сірыі Башара аль-Асада, а таксама баявікамі, якіх падтрымлівае Турэччына.

IAR/эж