Расея не пусьціла консула да выкрадзенага ўкраінца

Два гады таму расейскія спэцслужбы выкралі з тэрыторыі Беларусі грамадзяніна Ўкраіны Паўла Грыба. ФСБ абвінаваціла яго ў падрыхтоўцы тэрарыстычнага акту. Павал Грыб не прызнае сябе вінаватым і называе свой арышт правакацыяй.

Расейскі бок не дазволіў украінскаму консулу наведаць цяжка хворага ўкраінца. Пра гэта паведаміла Міністэрства замежных спраў Украіны. Кіеўскія дыпляматы заяўляюць, што зьняволены маладзён можа быць у крытычным стане, на мяжы жыцьця і сьмерці. Павал Грыб мае хранічную хваробу вантробы, а ў расейскай турме ён пазбаўлены мэдычнай апекі.

МЗС Украіны выказала пратэст у зьвязку з нядопускам консула да затрыманага грамадзяніна Ўкраіны. Гэта зьяўляецца парушэньнем міжнароднага права і спробай схаваць фактычны стан здароўя ўкраінца, гаворыцца ў заяве МЗС Украіны.

ПР/юл