Па справе Скрыпалёў выявіліся новыя расейскія агенты

Брытанская паліцыя расьсьледуе справу ў адносінах да яшчэ двух расейскіх агентаў, якія падазраюцца ў атручваньні ў Солсбэры Сяргея Скрыпаля і яго дачкі Юліі.

Нядаўна была ідэнтыфікавана пара, якая ў сакавіку мінулага года выдавала сябе за турыстаў, каб атрымаць брытанскую візу. Іх падазраюць у атручваньні Скрыпалёў.

Яшчэ адзін падазраваны — Сяргей Фядотаў, аднак ці гэта сапраўднае імя, пакуль незразумела.

Раней былі выяўлены датычныя да атручваньня Скрыпалёў агенты Аляксандар Пятроў і Руслан Башыраў, якія, як лічыцца, зьяўляюцца афіцэрамі расейскай вайсковай разьведкі.

Скотланд-Ярд працягвае сьледзтва.

Dailymail.co.uk/вк