У Грэцыі пачынаюцца Дні польскай навукі

У Атэнскім унівэрсытэце і Ўнівэрсытэце Арыстоцеля ў Салоніках адбудзецца прэзэнтацыя, прысьвечаная прапановам вышэйшых навучальных устаноў Польшчы для студэнтаў у рамках праграмы «Erasmus+» і іншым праграмам. Акрамя таго, шэраг прэстыжных польскіх унівэрсытэтаў прадставяць у Грэцыі свае навуковыя дасягненьні. Польшча выклікае вялікую цікавасьць грэцкіх студэнтаў, якія ўдзельнічаюць у праграме «Erasmus».

У рамках Дзён польскай навукі польскія дэлегацыі сустрэнуцца з кіраўніцтвам і супрацоўнікамі мясцовых ВНУ і навукова-дасьледчых цэнтраў, а таксама з моладзьдзю, зацікаўленай вучобай за мяжой.

Дні польскай навукі ў Грэцыі арганізаваны з нагоды 100-й гадавіны ўстанаўленьня дыпляматычных адносін паміж Польшчай і Грэцыяй.

ав