Мігранты хочуць прарвацца ў Паўночную Македонію

Сотні мігрантаў сабраліся на поўнач ад горада Салонікі з мэтай прарвацца ў краіны ЭЗ па так званым Балканскім маршруце.

Мігранты патлумачылі, што адказалі на ананімны заклік у сацыяльных сетках, каб ісьці на штурм мяжы Грэцыі з Паўночнай Македоніяй.

З учорашняга дня ў мястэчку Дыявата, на поўнач ад горада Салонікі, канцэнтруюцца мігранты, якія пачалі прыбываць з розных куткоў Грэцыі. Многія зь іх прыходзяць сем'ямі з маленькімі дзецьмі. Яны паставілі намёты ў поле каля 60 кілямэтраў ад мяжы.

Учора ўвечары мелі месца сутыкненьні з паліцыяй. Мігранты кідалі камяні і цяжкія прадметы ў паліцэйскіх. Праваахоўнікі адказалі шумавымі гранатамі ды сьлезацечным газам. Міністэрства Грэцыі па справах міграцыя папярэдзіла пра небясьпеку незаконнага перасячэньня мяжы. З падобнай заявай выступіла і Агенцтва ААН па справах уцекачоў.

Так званы Балканскі маршрут быў зачынены ў 2016 годзе. Раней гэтай трасай у ЭЗ трапіла блізу аднаго мільёна ўцекачоў.

Пасьля закрыцьця мяжы ў Грэцыі засталося больш за сто тысяч мігрантаў.

ПР/юл