Гуманітарны крызіс у Вэнэсуэле абвастраецца

Польская гуманітарная акцыя зьвяртаецца з просьбай фінансава дапамагчы жыхарам Вэнэсуэлы, якія шукаюць прадукты харчаваньня й працу ў суседняй Калюмбіі. З прычыны гуманітарнага крызісу ў Вэнэсуэле, выкліканага вострым палітычным канфліктам, адтуль у Калюмбію ўцякло ўжо каля 3,5 мільёнаў чалавек.

Супрацоўнік Польскай акцыі гуманітарнай Рафал Гжэлеўскі паведамляе, валянтэры з розных кранаў сьвету дапамагаюць вэнэсуэльскім уцекачам адразу ў на мяжы з Калюмбіяй. Паводле словаў Гжэлеўскага, сытуацыя з вэнэсуэльскімі ўцекачамі надзвычай напружанае: востра не стае прадуктаў харчаваньня, лекаў ды прадметаў гігіены.

Марыя Элаіза Барэнтош шукае дапамогі ў Калюмбіі, бо не вытрымала надзвычай складаных умова жыцьця ў Вэнэсуэле.

Марыя Элаіза Барэнтош: Усе імігруюць, бо там пануе татальны хаос. Няма электрычнасьці, няма вады.Там дзе мы жылі, ваду ўключалі раз на 11 дзён. Дзеці, дарослыя ўсе хварэюць. Мы ўцякаем з Вэнэсуэлы насуперак сваёй волі. Людзі прыяжджаюць у Калюмбію, бо дома сытуацыя сапраўды паганая.

За апошнія тры гады з Вэнэсуэлы зьехала больш за 3 млн чалавек. Паводле прагнозаў міжнародных арганізацый, яшчэ 4 млн таксама гатовыя адважыцца на гэтакі крок.

IAR/эж