Расьце колькасьць ахвяр землятрусу на Філіпінах

Стыхія закранула галоўны востраў архіпэляга – Лусон. Па меншай меры, 11 чалавек сталі сьмяротнымі ахвярамі землятрусу. Дзясяткі прапалі без вестак.

Моц галоўнага штуршка складала 6,3 градуса. З учорашняга дня, спэцыялісты адзначылі больш за 400 паўторных падземных штуршкоў.

Улады Філіпін вядуць выратавальную апэрацыю. Найбольш людзей працуе на руінах чатырохпавярховага будынка ў горадзе Порач, што месьціцца прыкладна 100 км на паўночны ўсход ад сталіцы – Манілы. На першым паверсе гэтага будынка мясьціўся супэрмаркет. Пад заваламі да гэтага часу застаюцца жывыя людзі. Аднак ратавальнікі маюць цяжкасьці з разборам завалаў друзу.

Апэрацыю ўскладняе ой факт, што застаецца зачыненым Міжнародны аэрапорт «Клярк» у Маніле, што абмяжоўвае магчымасьці краіны прыняць міжнародную дапамогу.

ПР/юл