Японія ўзмацняе меры бясьпекі ў школах

У выніку нападу загінулі двое – 11 гадовая вучаніца прыватнай каталіцкай школы ды дарослы мужчына, а 17 чалавек пацярпелі. Кіроўца школьнага аўтобуса спрабаваў спыніць мужчыну, але той адразу ўцёк. Нападнік перарэзаў сабе горла й памёр у бальніцы. Ягоныя матывы дагэтуль невядомыя.

Прэмʼер-міністар Японіі Сіндза Абэ асудзіў інцыдэнт у горадзе Кавасакі. Апроч таго ён заявіў, што ўрад павінен «любым коштам гарантаваць бясьпеку дзяцей». Японскі ўрад перагледзіць сродкі бясьпекі, якія выкарыстоўваюцца падчас транспартаваньня дзяцей у школы і са школ.

У зьвязку з нападам свае спачуваньні выказаў Дональд Трамп, які знаходзіцца з афіцыйным візытам у Японіі.

ПР/юл