Конга прадае нелегальны ўран

Улады Дэмакратычнай Рэспублікі Конга нелегальна здабываюць уран на тэрыторыі былой правінцыі Катанга, на поўдні краіны.

Руда, якая можа быць выкарыстаная для прадукцыі ядзернай зброі, прадаецца без аніякага кантролю й абмежаваньняў, - паведаміла ізраільскае грамадзкае тэлебачаньне, на падставе праведзенага журналісцкага сьледзтва.

Уран дабываецца ў зачыненай у 60-х гадох шахце, зь якой, дарэчы, паходзіў таксама ўран, выкарыстаны для пабудовы атамных бомбаў, скінутых на Хірасіму й Нагасакі.

Журналістцы ізраільскага тэлебачаньня ўдалося амаль завершыць грашовую апэрацыю, у рамках якой за амаль 200 тысячаў даляраў яна магла атрымаць тону руды ўрану. Пры гэтым ніхто не цікавіўся, хто яна такая й навошта ёй уран.

Ізраільцяне падазраюць, што ўран, якім у сваёй ядзернай праграме карыстаецца Іран, паходзіць менавіта са згаданай крыніцы.

аз