Першы кот Расеі

Інфармацыя пра тое, што супрацоўнікі праваахоўных органаў шукаюць ката прэзыдэнта Расеі Дзьмітрыя Мядзведзева, падарвала Інтэрнэт.
У топах пошукавых сыстэм кот Дарафей заняў першае месца. Карыстальнікі Інтэрнэту пачалі актыўна абмяркоўваць хатняга ўлюбёнца прэзыдэнта Расеі. Зьнікненьне Дарафея з кожнай хвілінай абрастала новымі падрабязнасьцямі. У сетцы нават зьявіліся паведамленьні пра тое, што прэзыдэнцкага гадаванца шукаюць супрацоўнікі праваахоўных органаў, а празь некаторы час да пошуку далучыліся й спэцназ з арміяй.

«Кот вырашыў сыйсьці ў апазыцыю», - жартавалі блёгеры.
Сам расейскі прэзыдэнт, даведаўшыся пра тое, што паднялася ў інтэрнэце мітусьня вакол хатняга ўлюбёнца, абверг прапажу ката ў сваім “Твітэры”. Гэты пост на некаторы час стаў самым папулярным паведамленьнем ў сусветным рэйтынгу мікраблёгаў.

вс