А. Мірановіч: На Захадзе Эўропы цікавяцца праваслаўем у Польшчы

Прафэсар Антон Мірановіч гісторыяй Праваслаўнай царквы на землях Рэчыпаспалітай займаецца здаўна. Гэтай тэмай ён пачаў цікавіцца яшчэ ў 80-я гады мінулага стагодзьдзя.

За сваю навуковую дзейнасьць гісторык у 2005 годзе быў узнагароджаны прэзыдэнтам Польшчы Залатым Крыжом Заслугі. У 2008 годзе за дасьледаваньні гісторыі хрысьціянства ў Беларусі атрымаў ад Беларускага Экзархату Расейскай праваслаўнай царквы ордэн Сьвятых Кірылы і Мяфодзія.

Прафэсар Антон Мірановіч – гэта аўтар шматлікіх кніжак па гісторыі праваслаўя ў Рэчыпаспалітай, у Польшчы, у тым ліку манумэнтальнай кнігі «Праваслаўная царква ў Польшчы».

Большасьць ягоных кніг выйшла на польскай мове. Аднак некаторыя зь іх перакладзеныя на ангельскую. На думку прафэсара Мірановіча, гэта значыць, што на Захадзе Эўропы цікавяцца праваслаўем у Польшчы.

Яраслаў Іванюк

Слухайце далучаны гукавы файл.