Ідэя бясплатнага грамадзкага транспарту становіцца папулярнай у Польшчы

Падчас сэзону адпачынкаў мясцовыя ўлады хочуць прыцягнуць увагу жыхароў ды гасьцей да аб’ектаў культуры і адпачынку. Пра гэта паведамляе сёньня газэта Rzeczpospolita.

У прыватнасьці, адразу дзьве дармовыя аўтобусныя лініі зьявіліся ў горадзе Руда Сьлёнска на поўдні краіны. Зь іх дапамогай у выходныя дні можна даехаць да спартовых цэнтраў і паркаў. Падобную ідэю пасьпяхова рэалізуюць у Чэнстахове. На вуліцах гораду зьявіўся белы двухпавярховы аўтобус, квіткі на які набываць таксама не патрэбна. У салёне ёсьць дармовы інтэрнэт і працуе гід, які расказвае пасажырам пра гісторыю рэлігійнай сталіцы Польшчы ды аб’екты, празь якія праходзіць маршрут. Пра папулярнасьць новай лініі кажуць чэргі ахвотных.

Бясплатны транспарт зьявіўся і ў горадзе Бельска-Бяла. Маршрут злучае раёны населенага пункту з галоўнай мясцовай славутасьцю – канатнай дарогай «Шындзельня». Акрамя таго, многія з польскіх гмінаў прапануюць летнія зьніжкі ці ўвогуле дармовыя квіткі для наведвальнікаў басэйнаў ды іншых спартовых аб’ектаў, піша Rzeczpospolita.

св