Нядаўна вандалы зьнішчылі дзьвюхмоўныя надпісы ў гміне Орля

Польскі закон аб нацыянальных меншасьцях дазваляе ставіць дзьвюхмоўныя назвы на ўказальніках і інфармацыйных дошках у гмінах, дзе пражывае ня менш чым 20% прадстаўнікоў нацыянальнай меншасьці. Карыстаюцца гэтым немцы, ёсьць таксама польска-летувіскія назвы на поўначы Падляскага ваяводзтва.

Адзінай гмінай, у якой на ўказальніках і інфармацыйных дошках можна сустрэць падвойныя польска-беларускія назвы, зьяўляецца Орля, хоць ёсьць і іншыя гміны, у якіх, паводле перапісу, беларусаў больш за 20 адсоткаў. У пачатку ліпеня некаторыя з гэтых указальнікаў былі зьнішчаныя хуліганамі. Зрэшты, здарылася гэта не першы раз, бо ўжо ў 2012 невядомыя вандалы зьнішчылі некалькі такіх дошак.

Пра апошнія падзеі з журналістам Рэдакцыі Праграмаў для Нацыянальных Меншасьцяў Радыё Беласток Міхалам Сьцепанюком і сябрам камісіі, якая некалькі гадоў усталёўвала польска-беларускія назвы ў гміне Орля, размаўляе Яраслаў Іванюк.

слухайце гутарку ў далучаным гукавым файле