Logo Polskiego Radia
Print

Расейскія шпіёны актывізуюцца ў Эўропе

PR dla Zagranicy
Jury Lichtarowicz 26.11.2018 17:11
Расейская выведка спрабавала зладзіць путч у Чарнагорыі.
Photo: Msporch/pixabay.com/CC0 Creative CommonsPhoto: Msporch/pixabay.com/CC0 Creative Commons

Шпіёны дзейнічалі таксама ў Польшчы, піша штодзёнка «Gazeta Wyborcza».

Сьледчыя журналісты з парталу Bellingcat прадставілі доказы таго, што путч у кастрычніку 201–га года ў Чарнагорыі арганізавала расейская выведка. Што цікава адным з арганізатараў быў афіцэр ГРУ Эдуард Шышмакоў, якога ў 2014-м годзе выдалілі з Польшчы за шпіёнскую актыўнасьць.

У Варшаве расейскі шпіён быў затрыманы на спробах вярбоўкі польскіх вайсковых, палітыкаў ды журналістаў. Аднаго з завэрбаваных польскі суд адправіў у турму на 6 год.

З Польшчы Шышмакова Масква перакінула ў Чарнагорыю, дзе ягонай задачай было сарганізаваць путч у дзень выбараў. Такім чынам Крэмль хацеў перашкодзіць Чарнагорыі ўступіць ў НАТО. Аднак напярэдадні выбараў чарнагорская паліцыя арыштавала расейскага шпіёна.

Выданьне зазначае, што гэта далёкае не адзіныя прыклады расейскай шпіёнскай актыўнасьці ў рэгіёне.

юл

Print
Copyright © Polskie Radio S.A Пра нас Кантакт