Захаваем нашу гістарычную спадчыну

З гэтай нагоды мы прыгледзеліся як ставяцца да гістарычных помнікаў у Беларусі. У краіне некалькі год рэалізуецца праграма аднаўленьня замкаў ды палацаў. Наколькі пасьпяхова ідуць працы, якую ролю адводзяць гістарычным помнікам. Пра гэта размаўляем з экспэртам.

Міжнародны дзень помнікаў і гістарычных мясьцінаў усталяваны ў 1982 годзе ЮНЭСКО. Дакладней Асамблеяй Міжнароднай рады па пытаньнях аховы помнікаў і цікавых месцаў (ICOMOS), што дзейнічае пры ЮНЭСКО. Гэты дзень адзначаецца непарыўна з 18 красавіка 1984 года.

Пра важнасьць аховы помнікаў сьведчаць і нядаўнія падзеі. У сталіцы Францыі ад пажару моцна пацярпеў славуты сабор Парыскай Божай маці.

У Беларусі гістарычным помнікам дасталася моцна цягам усяго ХХ-га стагодзьдзя. Іх нішчылі войны, ідэалёгія, абыякавасьць уладаў, фінансавы крызіс. Доўгі час ані ўлада, ані грамадзтва ня мелі ані грошай, ані магчымасьці займацца аднаўленьнем.

Толькі цяпер сытуацыя паволі пачала мяняцца. У краіне разгортваецца праграма аднаўленьня помнікаў архітэктуры, у першую чаргу замкаў ды палацаў. Таксама відаць зацікаўленасьць у грамадзтве да гістарычнай спадчыны, улады спрабуюць аднаўляць архітэктурныя помнікі беларускай гісторыі дзеля разьвіцьця турызму.

Гэта пазытыўна, але Беларусь у дадзенай сфэры чакае яшчэ мноства працы, кажа намесьнік старшыні Таварыства аховы помнікаў Юры Меляшкевіч.

Слухайце размову ў гукавым файле

Размаўляў Юры ліхтаровіч